استراتيجية المتاجرة بإستخدام الزوايا السعرية
أولاً أشكرك على إهتمامك بالموضوع . بالنسبة للمؤشر حقيقى أنا مش عارف هو بيعمل معاك كدة ليه . طيب هو إنت بعد ما تفك المجلد بيظهر لك ملف بتضعه فى نسخة الميتا تريدر
هو حقيقى أنا مش عارف المشكلة فين . جايز يكون علشان المؤشر اللى عندى موجود من فترة فيكون علشان كدة مش راضى يشتغل . الله أعلم بالسبب على العموم أنا شغال بيه على منصة ايرون فوركس .
طيب حلاً للموضوع ممكن تلاقوا المؤشر فى موضوع ورشة اليورو للأستاذ طارق جبور فى صفحة 337 هتلاقوا مشاركة للأخ عبد المجيد مرفق فيها المؤشر . ممكن تجربوه بس يا ريت تبلغونى إذا اشتغل معاكم . وبالتوفيق إن شاء الله
متابعة اليورو ين . تم الخروج ولله الحمد من العقد الثانى عند 124.05 بربح 72 نقطة فيكون إجمالى الربح من الصفقة 112 نقطة والحمد لله جداً على كدة . أنا حاسس ان لسة ممكن يكون فيه ربح أكتر لكن أنا قفلت علشان عايز أنام ساعة قبل الفجر . ونتقابل على خير إن شاء الله
تحديث صفقة اليورو نيوزلندى . خروج من أحد العقود على السعر الحالى 1.5787 بربح 24 نقطة مع وضع استوب للعقد الثانى على نقطة الدخول
تحديث اليورو نيوزلندى . تحريك استوب العقد الثانى إلى 1.5789 لمطاردة الربح . السعر الحالى 1.5827
متابعة صفقة الاسترالى . تم ضرب الهدف الأول بنجاح بربح 24 نقطة ولله الحمد . وإلى الهدف الثانى إن شاء الله
تم الخروج من العقد الثانى لليورو نيوزلندى على سعر 1.5842 بربح 79 نقطة مع إضافة ربح 24 نقطة من العقد الأول ليكون إجمالى ربح الصفقة 103 نقطة . ولله الحمد على توفيقه . سبب الخروج هو إحتمال حدوث هبوط لليورو
متابعة صفقة الاسترالى . تم الخروج الآن من العقد الثانى على سعر 1.0272 بربح 47 نقطة يضاف إليهم 24 نقطة من العقد الأول ليكون صافى الربح من الخروف الاسترالى 71 نقطة بفضل الله وتوفيقه . سبب الخروج هو حالة الهرج والمرج الدائرة فى السوق الآن
صباح الخير والأرباح على الجميع ويوم جديد أخضر على الجميع إن شاء الله . طيعاً اللى حصل إمبارح فى السوق دة كان مجزرة بكل المقاييس وكأننا فى حرب عالمية جديدة وكل دة علشان بيرلسكونى نجح فى الإنتخابات ودة تسبب فى حالة هلع فى الأسواق نظراً لسياسته الإقتصادية الفاشلة اللى إتبعها سابقاً . ربنا يستر النهاردة عندنا تصريح على الصبح للسير كينج محافظ بنك إنجلترا . وبعدين عندنا المهرج برنانكى النهاردة وبكرة وربنا يهد الجدع دة علشان الحكاية مش ناقصة .
لذلك مطلوب من الجميع الحذر الشديد اليوم وغداً
لذلك مطلوب من الجميع الحذر الشديد اليوم وغداً
تحديث الباوند دولار 26-2-2013
مازال الباوند مستقراً فوق القاع 1.5069 الذى سجله مع إفتتاح السوق مع الإستمرار فى الصعود طوال امس والحمد لله لم يتأثر بحركات اليورو . على فريم الساعة المرفق نجد ثبات الباوند عند الزاوية 60 ثم صعد بعدها للوصول لخط الترند الهابط القوى وفشل فى إختراقه . ممكن الآن يحاول إختراق خط الترند وإذا نجح فى إختراقه والثبات فوقه بشمعتين فستكون المحطة التالية هى المقاومة 1.5315 التى تمثل الزاوية 180 وسبق أن ارتد منها . طبعاً حوار برنانكى اليوم وغداً ممكن يعمل حركة قوية فى السوق خاصة أننا مقبلون على إغلاق شهرى بعد يومين