فكرة مجنونة على الفجوات مع افتتاح السوق

[alybaba]

بسم الله الرحمن الرحيم
وبه نستعين
طبعا دى فكرة مجنونة بس حبيت اااقولها بصوت عالى عشان اى افكار لما بتتنقاش اكيد بتفيد الجميع وعلى فكره ان نشرتها فى منتديات كتييرة منذ سنة تقريبا بس حبيت انشرها تانى يمكن حد عايز يغامر ويجرب يجننننننننننن

ودى مضمون الفكرة

فى نهاية كل اسبوع كثير من الناس بتسأل وتتوقع هل سيحدث فجوة سعرية لعملة معينة فى بداية افتتاح السوق ولكن هل فكرت فى استغلال تلك الفجوات
هى مجرد فكره خطرت ببالى ولما درستها حبيت اشارك بيها
وهى فتح حسابين بس يكونوا بعيد عن الحساب الرئيسى وتكون الحسابات فى شركة بتقبل الايداعات الصغيرة زى انستا او exmarkets مثلا" وطبعا فى غيرهم كتيير ويكون ليها رافعة مالية كبيرة 1:1000 او 1: 800 زى الشركتين دول
هنعمل تجربة على حساب مصغر وطبعا ممكن نحسب نسبة مكسبها ونشوف نسبة ربحها كام من راس المال
تعالوا ندخل فى الحسابات هنعمل حسابين كل حساب بقيمة 10 دولار وطبعا لو فى بونص ممكن نودع 8 دولار وبعد البونص ال30% هيكونوا 10 برده وده اللى هنحتاجه للدخول بلوت النقطة ب دولار برافعة مالية 1 : 1000 او 1:800 لعملة الدولار ين او النيوزيلاندى دولار وهما اكتر عملتين هنجرب فيهم لانخفاض الهامش بتاعهم وسرعة حركتهم مع افتتاح السوق
تعالوا نعرف المهم
وهو امتى نعمل الصفقات بنعمل فى حساب صفقة شراء بقيمة 1 دولار للنقطة بهدف 30 بوينت والحساب الاخر صفقة بيع بهدف 30 بوينت ايضا
بس نفتح الصفقات دى فى اخر دقيقتين من اغلاق السوق وده طبعا عشان نحافظ على الرصيد ميتمرجنش قبل اغلاق السوق
تعالوا نحسب الاحتمالات
1 - الاحتمال الاول ان السوق يفتح على فجوة سعرية لاعلى وتكون حجم الفجوة اكبر من ال30 بوينت وبالتالى هتلاقى حساب صفقة الشراء اصبح 40 دولار والحساب الاخر اتمرجن والنتيجة ربح 40-20= 20 دولار اى 100% ربح من راس المال المودع فى الحسابين

2 - الاحتمال الثانى ان السوق يفتح على على فجوة سعرية لاسفل وتكون حجم الفجوة اكبر من ال30 بوينت وبالتالى هتلاقى حساب صفقة البيع اصبح 40 دولار والحساب الاخر اتمرجن والنتيجة هتكون نفس الربح 20 دولار

3- الاحتمال الثالث وهو ان السوق يفتح على فجوة صغيرة لاسفل او لاعلى ولاتصل الى ال30 نقطة او لايحدث فجوة من الاساس وبالتالى الصفقات مفتوحة بعد افتتاح السوق وونقوم وقتها بتحديد هدف لكل صفقة ويكون عدد نقاط الهدف هى عدد نقاط الاستوب لوز فى الصفقة الاخرى ونعمل نفس الموضوع فى الصفقتين وبكده هتكون الخسارة مجرد 3 بوينت وهى عمولة الصفقة فى الحساب اللى اتمرجن واللى هى اصلا مش خسارة بسبب ان البونص اللى على الحساب اللى اتمرجن دخلت كبوينت مكسب فى الحساب الاخر


ارجوا ان اكون وفقت فى شرح فكرتى وان يوفق الجميع فى صفقاتهم
وطبعا مكسب 100% فكرة مجنونة اكيد تستحق الجنان
هههههههههههه
بالتوفيق
​

 

[طارق جبور]

والله اخي انا عارف هذه الفكره واعلم انا ستؤدي الى ربح غالبا
لكن حط في بالك إنها تعتمد على الحظ وإذا إعتمدت على الحظ إذن إحنا إنتقلنا من التحليل الفني والاساسي وتوقع حركه السعر بناءا على علم لتصبح قماار
لذا هناك الكثير من الوسائل ممكن الواحد يستخدمها ولكن إذا اخذتها من ناحية شرعيه تتوقف
تحياتي لك

 

[alybaba]

والله اخي انا عارف هذه الفكره واعلم انا ستؤدي الى ربح غالبا
لكن حط في بالك إنها تعتمد على الحظ وإذا إعتمدت على الحظ إذن إحنا إنتقلنا من التحليل الفني والاساسي وتوقع حركه السعر بناءا على علم لتصبح قماار
لذا هناك الكثير من الوسائل ممكن الواحد يستخدمها ولكن إذا اخذتها من ناحية شرعيه تتوقف
تحياتي لك

شكرا اخى على نصيحتك وطبعا اكيد ده مش هو الاساسى فى عملى بالفوركس ولكنها فكرة طرأت على بالى وحبيت ااوقلها بصوت عالى
وشكرا على مشاركتك

 

[angelos-xx]

صراحة فكرة مجنونة هههههه تبدو مربحة و تستحق التجربة

 

[dr.ahmed]

فكرة جميلة وستكون اكثر جنونا اذا ما كان العمل بها على حسابات متوسطة او كبيرة
طبعا لي تحفظ على شركة انستا

ويوجد فكرة اخرى قريبة منها وهي الدخول قبل الاغلاق الاسبوعي بثوان قليلة بهيدج
في حال حدوث جاب يتم اغلاق الرابح ويترك الخاسر حتى يتم اغلاق الجاب
وبالامكان ايضا فتح عقد اضافي بعد حدوث الجاب معتمدين على الجابات غالبا ما يتم تغطيتها

الافكار كثيرة ويبقى التطبيق لها هو خير برهان على النجاح
لذلك ممكن نتابع سويا في موضوع مستقل او ورشة مستقلة تطبيقا لهذه الافكار الجديدة والرائعة
والتجربة خير برهان

اسبوع موفق على الجميع

 

[ehabghaly]

دي فعلا فكرة مجنونة
ومخاطرتها كبيرة جدا
ربنا يستر

 

[alwaleed]

فكرة رائعة لكن قبل سنوات وليس الان والاسباب:

الان اغلب الشركات ترفع السبريد كثيرا قبل الاغلاق.

اغلب العملات تتحرك حركات مفاجئة قبل الاغلاق بلحظات قد يكون السبب حركة واقعية في السوق أو لعبة من البروكر علشان ضرب هكذا حركات.


وملاحظة لا تفكر بالهيدج على نفس الحساب لانه عند افتتاح السوق اذا كانت صفقة الشراء مثلا الاستوب بتاعها 20 نقطة وفتح السوق على جاب 100 نقطة لتحت فان البروكر يغلق الصفقة على خسارة 100 نقطة وليس 20.

بالتوفيق للجميع

 

[mohamad forex]

فكرة مجنونة حقا
بس محتاجة تفكير عميق
شكرا للمبادرة أخي الكريم

 

[مبدع فوركس]

بس فى احتمال انت لسه ما درستهوش
افترض ان السوق ارتفع 10 نقاط فالبتالى حساب صفقة البيع هيتمرجن ويتبقى صفقة الشراء على ربح 10 نقاط
فأذا هبط السوق 20 نقطه فسوف يتمرجن ايضا حساب صفقة الشراء