السلام عليكم اخواني
اولا اعتذر للاداره اذا كان الموضوع ده مش في مكانه الصحيح .
انا حبيت اضع كل تجاربي في الفوركس خلال تقريبا 8 اشهر وهي مده دخولي عالم الفوركس , انا اتنصب عليا اكتر من مره وعلشان كده حبيت احذر الناس وخصوصا المبتدئين في المجال .
في بدايتي طبعا كنت داخل المجال متحمس جدا من خلال الاعلانات اللي كنت دايما بشوفها في كل المواقع عن الفوركس واللي بتزينلك المجال ده وتظهرو علي انه كله مكسب لدرجه اني عملت حسابي اني اعملي 5000 دولار شهريا ( وانا لسه مبتدئ ولا افقه اي شئ ) .
ابتديت بمبلغ 500 دولار ( مايكرو )كنت باخد توصيات من علي قنوات كتير عالتلجرام والنتيجه هي خسارتي لكل المبلغ بالكامل وده علشان تشتتي بين قنوات كتيره قوي وانتقاء التوصيات.
الحمد لله ربنا وفقني للمنتدي هنا وسجلت تحت وكالته وقررت اني اعيد التجربه بمبلغ 300 دولار ( مايكر ) ودخلت التوصيات والحمد لله كان المحصله ربح اخر الشهر بس ربح قليل ومش هو الربح اللي كنت مستنيه ( وده علشان صغر رأس مالي ودخولي بحساب مايكرو ) .
قررت اني اترك التوصيات ولقيت قناتين علي التلجرام كل قناه منهم صاحبها عامل حساب مجمع وأوهمنا اننا هناخد 300% بعد شهرين وفعلا اشتركت ودفعت 100 دولار لصاحب القناه الاول و 300 لصاحب القناه الثانيه واكتشفنا بعدها بشهر واحد ان ده نصب وان كل الفلوس اتسرقت ( طبعا فيه ناس كتير دخلين باّلاف الدولارات ) .
استعوضت ربنا وقولت اني خلاص مش هاكمل تاني لغايه مالقيت واحد قالي اهمل ايداع ب 100 دولار في حسابك وانا هاديرلك حسابك والمكسب اخر الشهر بالنص ووافقت وعملت الايداع ب 100 وبعد يومين بالظبط ال100 وصلوا ل 850 دولار وكنت مبسوط قوي بس للأسف في اليوم التالت كان رصيدي 0 الحساب اتمرجن وخسرت كل المبلغ قبل ماسحب اي حاجه .....
اتحطمت تماما بسبب المبالغ الكبيره ( بالنسبالي ) اللي خسرتها وقررت اتعلم وانفذ توصيات بنفسي علشان اقدر ارجع اي حاجه من اللي خسرتهم .. وفعلا المنتدي هنا كان افضل مرجع ليا للتعليم والحمد لله اتعلمت قوي والفرق كبير جدا بين انك تعمل توصيه وانك تاخد توصيه من حد ( الحمد لله ) خصوصا بوجود ناس حاضره علي طول للاجابه علي اي استفسار مثل اخي " وسام الصباغ " اللي عمره مابخل علينا بأي معلومه مثله مثل كل المشرفين المحترمين في المنتدي هنا .
اللي فادني كمان اكتر هو موضوع اكسبيرت BUDAK اللي نزله اخي وحبيبي واستاذي " علي عزت " الراجل المحترم اللي كره الفوركس بسببي
واللي ربنا جعله سبب في زياده رزقي . جربت ال BUDAK علي حساب تجريبي ودلوقتي بستخدمه علي الحقيقي بالاضافه للتوصيات اللي بستخرجها انا بنفسي والحمد لله رب العالمين في خلال شهرين قدرت ارجع 90% من كل فلوسي اللي خسرتها ..
الخلاصه اخواني ,,
1- حذاري انك تدخل في حساب مجمع
2- حذاري تدي حسابك لحد يديرهولك ( ماحدش بيخاف علي فلوس حد )
3- حذاري تدخل حساب مجمع مره تاني
4- اتعلم
5- لازم تجرب توصيات اي حد بتابعه لمده شهرين علي الاقل علي حساب تجريبي وبعد كده تدخل حقيقي
6- من وجهة نظري اقل مبلغ تبتدي بيه هو 600 دولار
7- حذاري تدخل في حساب مجمع مره تالته
8- اتعلم
9- صدقني قليل دائم خير من كثير منقطع
10- المنتدي هنا في ورشات عمل ممتازه ممكن تتابع اي واحده منها وتأكد باذن الله ان المحصله الشهريه ربح
11- لو عاوز تريح دماغك ومش فاضي انك تتابع حد اعمل نسخ لحساب المنتدي ( مع اني عاتب علي اخي طارق جبور وذلك لاقتصار النسخ علي حسابات 1000 دولار فقط . المفروض يبقي النسخ لكل الحسابات اللي تحت الوكاله )
اعتذر للاطاله بس انا حبيت انقل تجربتي للمبتدئين في المجال امثالي علشان مايكرروش اخطائي
شكرا ليكم
اولا اعتذر للاداره اذا كان الموضوع ده مش في مكانه الصحيح .
انا حبيت اضع كل تجاربي في الفوركس خلال تقريبا 8 اشهر وهي مده دخولي عالم الفوركس , انا اتنصب عليا اكتر من مره وعلشان كده حبيت احذر الناس وخصوصا المبتدئين في المجال .
في بدايتي طبعا كنت داخل المجال متحمس جدا من خلال الاعلانات اللي كنت دايما بشوفها في كل المواقع عن الفوركس واللي بتزينلك المجال ده وتظهرو علي انه كله مكسب لدرجه اني عملت حسابي اني اعملي 5000 دولار شهريا ( وانا لسه مبتدئ ولا افقه اي شئ ) .
ابتديت بمبلغ 500 دولار ( مايكرو )كنت باخد توصيات من علي قنوات كتير عالتلجرام والنتيجه هي خسارتي لكل المبلغ بالكامل وده علشان تشتتي بين قنوات كتيره قوي وانتقاء التوصيات.
الحمد لله ربنا وفقني للمنتدي هنا وسجلت تحت وكالته وقررت اني اعيد التجربه بمبلغ 300 دولار ( مايكر ) ودخلت التوصيات والحمد لله كان المحصله ربح اخر الشهر بس ربح قليل ومش هو الربح اللي كنت مستنيه ( وده علشان صغر رأس مالي ودخولي بحساب مايكرو ) .
قررت اني اترك التوصيات ولقيت قناتين علي التلجرام كل قناه منهم صاحبها عامل حساب مجمع وأوهمنا اننا هناخد 300% بعد شهرين وفعلا اشتركت ودفعت 100 دولار لصاحب القناه الاول و 300 لصاحب القناه الثانيه واكتشفنا بعدها بشهر واحد ان ده نصب وان كل الفلوس اتسرقت ( طبعا فيه ناس كتير دخلين باّلاف الدولارات ) .
استعوضت ربنا وقولت اني خلاص مش هاكمل تاني لغايه مالقيت واحد قالي اهمل ايداع ب 100 دولار في حسابك وانا هاديرلك حسابك والمكسب اخر الشهر بالنص ووافقت وعملت الايداع ب 100 وبعد يومين بالظبط ال100 وصلوا ل 850 دولار وكنت مبسوط قوي بس للأسف في اليوم التالت كان رصيدي 0 الحساب اتمرجن وخسرت كل المبلغ قبل ماسحب اي حاجه .....
اتحطمت تماما بسبب المبالغ الكبيره ( بالنسبالي ) اللي خسرتها وقررت اتعلم وانفذ توصيات بنفسي علشان اقدر ارجع اي حاجه من اللي خسرتهم .. وفعلا المنتدي هنا كان افضل مرجع ليا للتعليم والحمد لله اتعلمت قوي والفرق كبير جدا بين انك تعمل توصيه وانك تاخد توصيه من حد ( الحمد لله ) خصوصا بوجود ناس حاضره علي طول للاجابه علي اي استفسار مثل اخي " وسام الصباغ " اللي عمره مابخل علينا بأي معلومه مثله مثل كل المشرفين المحترمين في المنتدي هنا .
اللي فادني كمان اكتر هو موضوع اكسبيرت BUDAK اللي نزله اخي وحبيبي واستاذي " علي عزت " الراجل المحترم اللي كره الفوركس بسببي
واللي ربنا جعله سبب في زياده رزقي . جربت ال BUDAK علي حساب تجريبي ودلوقتي بستخدمه علي الحقيقي بالاضافه للتوصيات اللي بستخرجها انا بنفسي والحمد لله رب العالمين في خلال شهرين قدرت ارجع 90% من كل فلوسي اللي خسرتها ..الخلاصه اخواني ,,
1- حذاري انك تدخل في حساب مجمع
2- حذاري تدي حسابك لحد يديرهولك ( ماحدش بيخاف علي فلوس حد )
3- حذاري تدخل حساب مجمع مره تاني
4- اتعلم
5- لازم تجرب توصيات اي حد بتابعه لمده شهرين علي الاقل علي حساب تجريبي وبعد كده تدخل حقيقي
6- من وجهة نظري اقل مبلغ تبتدي بيه هو 600 دولار
7- حذاري تدخل في حساب مجمع مره تالته
8- اتعلم
9- صدقني قليل دائم خير من كثير منقطع
10- المنتدي هنا في ورشات عمل ممتازه ممكن تتابع اي واحده منها وتأكد باذن الله ان المحصله الشهريه ربح
11- لو عاوز تريح دماغك ومش فاضي انك تتابع حد اعمل نسخ لحساب المنتدي ( مع اني عاتب علي اخي طارق جبور وذلك لاقتصار النسخ علي حسابات 1000 دولار فقط . المفروض يبقي النسخ لكل الحسابات اللي تحت الوكاله )
اعتذر للاطاله بس انا حبيت انقل تجربتي للمبتدئين في المجال امثالي علشان مايكرروش اخطائي
شكرا ليكم
