أكتسب خبرات موضوع مفتوح تعليمى لكل شئ أسئل وبإذن الله أجيبك

[wally fx]

السلام عليكم ورحمة الله وبركاتة

أنا جديد بالمنتدى ولا أخفى عليكم لأكون صريح من البداية
اشتركت فى المسابقة وهذا هو الموضوع التعليمى الذى تنص علية الشروط
بإذن الله نستفيد جميعاً وسوف أقوم بعرض نتائج حساب المسابقه فى نفس الموضوع

الموضوع مفتوح لجميع الإستفسارات المتعلقة بالسوق

وسوف اقوم بنشر مشاركات لتفتيح الدماغ وصنفرتها
تفيد الحديث العهد والمخضرم فى السوق بإذن الله

علاموه على أشهر الإستراتجيات المستخدمة والمضمونة
بإذن الله

والله الموفق​

 

[freebalad2003]

السلام عليكم و رحمة الله

حللت اهلا و نزلت سهلا

من اقوالك انها ستكون جامدة

سجلني من المتابعين مع كثرة التغيب
لاسباب انترنيتية

تحياتي

 

[wally fx]

السلام عليكم و رحمة الله

حللت اهلا و نزلت سهلا

من اقوالك انها ستكون جامدة

سجلني من المتابعين مع كثرة التغيب
لاسباب انترنيتية

تحياتي

منور حبيبى بإذن الله الموضوع إنفراد
ومش حتتغيب
​

 

[Admin]

حياك الله أخي wally fx و موضوع مميز و اسمح لي بأن اكون اول التلاميذ السألين و ثاني المتابعين

ماذا تعني اداره رأس المال ؟ و كيف تطبق بالمتاجره؟​

 

[wally fx]

البدية
أعذرونى لأنى أكتب بدون تحضير م النافوخ على طول

من أنتم من أنتم من أنتم
قولة القذافى الشهيرة

وهى المفتاح للسوق بإذن الله

قبل أن نتحدث عن أنواع التحاليل والمدارس والإستراتجيات

يجب علينا تحديد من نحن وأى اسلوب إدره رأس مال نقبلة

ومن هنا وجب علينا تحديد من نحن

وصدقونى هناك العديد من الكتب التى تهتم فقط بإدارة راس المال
ونسب لمخاطره

مثال بسيط لما يحدث لنا
لو قلنا ان فجلة تاجر فى السوق وقليل الخبرة
وفجله هذا ه الكثير منا
تجد ان فجلة بيدخل على مواضيع بالهبل ويشوف ده بايع وده شارى
ويشترك فى توصيات
ألخ ألخ ألخ
يكسب مره ويفرح حتى تأتى الطامة
يخسر كل شئ ويبدء فى الخسارة

ويشحن تانى الحساب على الطاير وهكذا
وحتى لو هو بيتاجر تلاقيه عمال يخبط فى الحلل والحلل فاضية
هههههههههههه


المهم المحصله فى النهاية خسارة

اوك
عارفين ليه لان فجلة للاسف مش عارف هو مين
ماشى مع اى حد واى شئ وفى النهاية لا يلوم غير نفسة

طيب يا فجله ممكن نبدء نعرفك على نفسك لتبدء طريقك

تابع معى وأعرف من أنت
​

 

[wally fx]

حياك الله أخي wally fx و موضوع مميز و اسمح لي بأن اكون اول التلاميذ السألين و ثاني المتابعين

ماذا تعني اداره رأس المال ؟ و كيف تطبق بالمتاجره؟​

عمرك أطول من عمرى أخى
لسه بادئ فى الموضوع هذا كبداية
منور حبيى تابع وبإذن الله تجد ردودك​

​

 

[freebalad2003]

متابعين معاك لنعرف كيف سيتثقف العم فجلة(فجله) فوركسيا
و يتخلص من الخساير
شكل الموضوع حيخليني اتابع بنشاط لان طريقة الطرح جميلة!!

 

[wally fx]

نكمل وعلى بركة المولى

طيب سوق الفوركس سوق مميز
له رافعة محترمة ترفع من ربحيتك وفى نفس الوقت هناك المارجن والعياذوا بالله
أى مخاطرة عاليه جداً

قبل أن نبدء فى إدارة رأس المال واساليب الإدارة وجب علينا أن نعرف من نحن

كثير منا سمع هذه المصطلحات
شورت ترم - ميد ترم - لونج ترم - اسكلابينج تريد - سوينج تريد

عمرك سئلت نفسك أنت أى نوع من هؤلاء التجار
أكيد وابصم لك بالعشرة
لا

إدارة راس المال تعتمد على نوع الصفقة وهى طبيعتك كتاجر
إدارة رأس المال تعتمد على حدودك فى السوق ووقفك
إدارة رأس المال تعتمد نوع وإسلوب وإستراتجيتك المستخدمة ومدى ربحيتها على المدى الطويل

كلنا حافظين المقولة المشهورة أن 95% من التجار خاسرين
لماذا لان تجارتهم عشوائية لم يعرفوا أو يحددوا هويتهم

لذلك سوف نتحدث على نمط على أسلوب ونحدد من نحن أولا
قبل التحدث عن حدود المتاجره ونسب المخاطرة

من أنتم من أنتم من أنتم

أنتظرونىِ​

 

[freebalad2003]

و انا ابصم بالعشرة اني لم اسال نفسي
هذا السؤال

تابع بارك الله فيك

 

[wally fx]

اوك

لازم نحدد هدف لينا
هدف للحساب وانسى نهائى قد ايه الحساب
تعامل مع أرقام ونسب كمحترف

يعنى فجله عاوز 20% شهرياً
ممتاز

بطيخه عاوز 100% شهريا ممتاز إيضاً

هل تعتقد أن مخاطره فجله كمخاطره بيطيخة
أكيد لا
علاوه لو فرضنا أن اسلوب فجله يحقق له هدفة
20% شهريا هل تجده مناسب لبيطيخه لتحقيق 100% شهريا

بالطبع لا برده
وعلى رأى الليمبى ابسولوتلى نو
هههههههه

مع أن فجله والحمد لله بيحقق هدفه وزى الفل
وبيسحب ارباحه الـ 20%
كل شهر ويعزم العيلة ويغير السيارة ألخ
وبطيخه الذى حاول بأسلوب فجلة شغال خسارة

هذا ما أتحدث عنة نعرف هدفنا ونحدد أى نوع نحن
شورت - ميد - لونج - سوينج - اسكلابينج

وأول شئ قبل أن نتحدث عن الهدف المنتظر للحساب
يجب أن تمسك ورقه وقلم
ونحدد ما هى النسبة التى على استعداد ان نخاطر بها

فى الصفقة

ونشوف باه اى حكاية
الشورت والميد ........ ألخ

واقوا تانى
من أنتم من أنتم
زنجا زنجا
دار دار


​

 

[wally fx]

و انا ابصم بالعشرة اني لم اسال نفسي
هذا السؤال

تابع بارك الله فيك

سامحنى انت شغال عشوائيات ببساطة
صبرك بالله وكل شئ حيظهر وحتحس انك كنت فى البعد
z
وللاسف هذا هو حال الكثيرين
​

 

[wally fx]

حياك الله أخي wally fx و موضوع مميز و اسمح لي بأن اكون اول التلاميذ السألين و ثاني المتابعين

ماذا تعني اداره رأس المال ؟ و كيف تطبق بالمتاجره؟​

ولله يا دكتور ما أخذت بالى
كنت مركز فى الكتابة
منور الموضوع
المدير عندنا أستر يا رب
ههههههههههه​

​

 

[Admin]

فعلا اسلوب راع في الطرح .... متابعينك استاذنا الغالي

شورت - ميد - لونج - سوينج - اسكلابينج

اذا عرفت انا من اي هؤلاء فانا قد تقدمت خطوه في الاتجاه الصحيح و ننتظر استاذنا الغالي ليعلمنا ما الفرق بين هؤلاء​

 

[Admin]

اقتباس:
المشاركة الأصلية كتبت بواسطة wally fx

ولله يا دكتور ما أخذت بالى​

كنت مركز فى الكتابة
منور الموضوع
المدير عندنا أستر يا رب
ههههههههههه
​

كلنا سواء اخي .... حياك الله
​

 

[wally fx]

من أنتم من أنتم من أنتم

أول شئ نبدء به بإذن الله هو أكثر نوع شائع بين التجار
كثيرا ما تسمع هذا المصطلح

أنا ديلى تريدر

المهم الى عاوزين نوضحه لكل نوع من التجار
هدفه ايه - قد ايه يقعد فى السوق - بيحلل كيف ..... ألخ

الديلى تريد
هو تاجر يومى يبحث عن عدد من النقاط اليومية
تنتهى مهمته بإنتهاء اليوم أو الموسم

اه

يا سلام

طبعاً عشان نتكلم عن الأخ الديلى لازم نوضح ونشرح يومنا فى السوق كيف يبدء وكيف ينتهى

ونتعرف كويس على الدوره الزمنية اليوميه ليوم فى السوق

وطبعا اكثر ما يعتمد عليه الاخ الديلى هو التوقيت
وحنتعرف على التريكات والتوقييتات وترجمه حركه السوق بالوقت

شئ مهم جدا
احنا شغالين على شارت ذو بعدين
بعد سعرى وبعد زمنى

وفيه شارتات ثلاثية الابعاد مش وقت التحدث عنها هنا
بس انت لو تلاحظ ان كل شغلك على المحور السعرى
هاى - لو - قمة - قاع - فيبو ...... الخ

طيب والزمنى
اليوت عندما تحدث عن الموجات
قال شئ مهم جدا
وده طبعا بعد سنوات فى السوق
قال ايه الحج اليوت

عمركما تقدر تحكم على الموجه زمنياً
عارفين ليه
لان عمر الموجه من عمر التجار الى شاريين عليها او بيعين
بالبلدى التجار محدش يقدر يقول يفضلوا قد ايه فى السوق

لان العوامل الاساسيه
( اخبار - اشاعات - تقارير حكوميه ........ الخ )
متغيره وليست على نمط ثابت وهى المحرك الرئيسى للتجار
وحنتكلم برده عن الموضوع ده بعدين

مش عاوزين الليله توسع منا

المهم هنا
ان اليوت عنده حق
بس الكلام ده على موجه
لكن لما اكون انا ديلى تريدر
بتاجر خلال يوم واحد و نهايه اليوم بح خلاص قفلت ورحت نمت
او فتحت فى اسيا مثالا و واخر اسيا تانى يوم
او ملتزم بموسم

حنشوف كل ده
المهم لازم نفهم ان الديلى تريدر لا تتعدى صفقته 24 ساعه فى السوق
واغلبنا بيغلط الغلطه هذه ويبات فى صفقه وتتحول تجارته من ديلى تريد
إلى شورت ترم

بالمناسبه

للمحترفين فى السوق
كل نوع من التجار بيسمى فلور
طابق يعنى
لان النونو بيبدأ
من الصغير للكبير
زى العماره الموجه كده
لحد ما نوصل لاخر دور
ومن هناك من اخر دور فى الموجه نفتح البرشوت ونخلع من السوق

هههههههههههه

تشبيه حلو انا بحبه والله

أنتظروا عشان نتكلم على الديلى تريد لان الموضوع مطول معانا

​

 

[Admin]

كلام كثير حلو و تشبيه رائع و بصراحه اسلوب العرض خلاني اقراء الموضوع مرتين و متابعين يا اساذنا الغالي​

 

[wally fx]

مشاهدة المرفق 249

اوك الجدول المرفوع فوق ببساطة هو بتوقيت لندن او gmt جرينتش يعنى
انا حطة بتوقيت جرينتش عشان كل واحد يقدر يعرف التوقيت بتاعه
ما علينا
شئ اساسى ان الاربع اسواق العالميه المؤثره فى حركه اسعار السوق هى
سيدنى - طوكيو - لندن - الولايات المتحده

نتكلم بأه على يوم السوق الحلو الظريف

كلنا عارفين ان الشمس بتطلع من الشرق
يعنى اليوم يبدأ من الشرق

حلو قوى

او شئ عندنا موسم سيدنى
ويبدأ من الساعه 22 إلى نهايه الساعه 6

ثم يدخل طوكيو
من الساعه 24 غلى نهايه الساعه 8

ثم لندن
من بدايه الساعه 8 غلى نهايه الساعه 16

ثم امريكا
من الساعه 13 الى نهايه الساعه 21

وتبدأ الدوره من جديد

يعنى بالبلدى اليوم يبدأ من سيدنى وينتهى بأمريكا
من الشرق إلى الغرب
جغرافيا بسيطه
الى يقولك بيبدأ بلندن قله شكرا وما تتكلم معه زياده

المهم
اتفقنا على ان الديلى تريدر بيقعد 24 ساعه بس فى السوق

طيب
حاجه مهمه لازم نفهمها للتجار والشركات والمؤسسات
التى تتاجر فى السوق
وهى حيويه
انت السوق عندك 24 ساعه
حاله خاصه
نفرض مثلا التاجر الانجليزى
بدء الساعه 8 ولازم قبل الساعه 16 ما تنتهى
يا يكون قافل وخارج على ربح
او يستنى الفتح تانى يوم الساعه 8
لان فتره تداوله محكومه بوقت والديلنج ديسك عنه حيقفل ببساطه

يعنى كده انا لو عرفت لندن بايعه ولا شاريه
ممكن امش معاهم ومها عكس على فى امريكا واسيا ( سيدنى + طوكيو )
عارف انه حيكسبنى او خسارتى حتكون قليله
طبقا لمستوى احترافى
هههههههه

ايه الحلاوه ديه طب ليه
نقول مثلا ان لندن بايعه
ونيورك دخلت شراء

لازم يرجعوا لمستوى قريب للندن
عشان تجار لندن يعكسوا باقل خساره
لانهم لو عندوا بعض
ما يمشى السوق
وهو ما يحدث فى اوقات التذبذب

طيب ولما جميع المواسم تتفق على اتجاه
وكله يفتح عليه

يبدء الدعم والتعزيز
والترند يطير

ببساطه هى ديه حركه السوق

ولسه لينا كلام عشان نعرف انا الديلى اعمل ايه
ديلى محترف على حق

نتابع​

 

[طارق جبور]

كلام رائع ومنسق بطريقه رائعه جدا
تسجيل حضور ومتابعه وبالتوفيق إن شاء الله

 

[wally fx]

طيب معنى كده ان فهم حركه كل موسم على حده مهمه
وللتسهيل اجنا بنجمع طوكيو وسيدنى ويسمى اسيا

والمقوله الشهيره
ان اصحاب المقعده الصغيره ( الاسيويين ) كسلاء
small ass too lazy
طبعا ده وصف للاسيويين
وانت اكيد حسيت بالموضوع ده
تلاقيهم بيتحركوا فى الشراء او البيع
قبل ما لندن تدخل
يدخلوا فى مراكز لليوم التالى
واو
يعنى حركه اسيا الى بتحصل الصبح بدرى
ديه اتجاه اسيا
فعلا
وهما مستنين فتح تانى يوم لتحصيل مكاسب مراكزهم او الخروج
بأقل خساره لان السوق لازم يرجع لهم

مزيكا يا ناس

ماشى

المهم من التوقيتات
شئ مهم

لاحظ شئ مهم
فيه فترتين يسموا
فترتين تصحيحيتين

الفتره الاولى تقاطع عمل طوكيو مع لندن ساعه واحده
الساعه 8
الفتره الثانيه
فتره الثانية تقاطع عمل لندن مع امريكا 4 ساعات
من الساعه 13 إلى الساعه 16

كله بجرينتش ما ننسى

نتابع​

 

[wally fx]

كلام كثير حلو و تشبيه رائع و بصراحه اسلوب العرض خلاني اقراء الموضوع مرتين و متابعين يا اساذنا الغالي​

كلام رائع ومنسق بطريقه رائعه جدا
تسجيل حضور ومتابعه وبالتوفيق إن شاء الله

شاكر لكم والله الكلام من العقل مباشرتا من غير تحضير
لو فيه شئ مبهم او اى سؤال انا مستعد
وعله يكون فتحه خير للجميع
شاكر لكم متبعتكم وكلمتكم الرقيقه​